काठमाडौं । बिहीबार नेपाल स्टक एक्सचेञ्ज (नेप्से)मा सिटी होटल लिमिटेडको आइपीओ सूचिकृत भएको छ ।
नेप्सेमा कम्पनीको १ करोड ६७ लाख ४० हजार कित्ता सेयर सूचिकृत भएको हो । कम्पनीको पहिलो कारोबारका लागि ८७ रुपैंया ८३ पैसा देखि अधिकतम २६३ रुपैंया ४९ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘सिआइटिवाइ’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, स्थानिय बासिन्दाहरु र कर्मचारी समेत) १६ लाख ७४ हजार कित्ता र संस्थापकहरूले लगानी गरेको १ करोड ५० लाख ६६ हजार ३७४ कित्ता गरेर कुल १ करोड ६७ लाख ४० हजार कित्ता साधारण सेयर सूचीकृत गराएको हो ।
सूचिकृत पश्चात उक्त कम्पनीको सेयर आइतबारबाट धितोपत्र दोस्रो बजारमा कारोबार सुरु हुनेछ ।
वि.सं.२०८० जेठ २५ बिहीवार १४:१२ मा प्रकाशित
