काठमाडौ । साताको दोस्रो कारोबार दिन सेयर बजारमा सामान्य सुधार आएको छ । उक्त दिन बजार ७.७९ अंकले बढेर १९८७ को विन्दुमा कायम हुन पुगेको हो ।
उक्त दिन २ अर्ब ८८ करोड ६५ लाख ९ हजार रुपैंया कारोबार भएको छ । आज नेप्सेमा कारोबार भएको २८५ कम्पनीको ७४ लाख ५४ हजार ७ कित्ता सेयर किनबेच भएको छ । आज नेप्सेमा रहेको ६ वटा उपसूचकमा हरियाली छाएको छ ।
सेयर बजारमा सुधार आउँदा आज प्रभु स्मार्ट फण्डको सेयरमा नकरात्मक सर्किट लाएको छ । कम्पनीको सेयर मूल्य १० प्रतिशतले घटेको छ । त्यस्तै, सगरमाथा जलविद्युत कम्पनीको ३.९० प्रतिशत, यूनाइटेड इदी मार्दी हाइड्रोपावरको ३.८० प्रतिशत, सुपर मादी हाइड्रोपावरको ३.७६ प्रतिशतले सेयर मूल्य घटेको छ ।
वि.सं.२०८० जेठ २९ सोमवार १५:२१ मा प्रकाशित
