उत्तम ब्लोन लामा
काठमाडौं, ३० जेठ । दश वर्ष अघिदेखि जलविद्युत् क्षेत्रमा लागेका ब्लोन दश वर्षमा यो बीचमा यस क्षेत्रमा परिवर्तन र उपलब्धी धेरै आइसकेको बताउँछन् । करिब दुई अर्ब लगानीमा नेपाल पावर एक्स्चेञ्ज कम्पनी लिमिटेड नेपेक्स खोलेर विद्युत व्यापार कम्पनी शुरु गरिसकेका उनले जलविद्युत क्षेत्र आज सबैभन्दा खराब समयबाट गुज्रीरहेको बताउँछन् ।
अन्तर्राष्ट्रिय बजार सुनिश्चित नहुने नेपालमा बिजुलीको उत्पादन बढी हुने तर खपत कम हुने, आन्तरिक खपतका लागि ट्रान्समिसन लाइनको विस्तार, पूर्वाधार समयमै तयार नहुने हुँदा बिजुली खेर गएर बैंकिङ प्रणाली र भोलिका दिनमा नेपालको अर्थतन्त्रमा धक्का पर्नसक्ने अवस्था अन्त्य गर्न आफूले पहल गर्ने उपाध्यक्षका उम्मेदवार ब्लोनको धारणा छ । जलविद्युत्को उचित दिर्घकालिन नीति नहुँदा आयोजना नबन्ने र भोलिका लागि वा सदाका लागि बाटो बन्द हुनसक्ने स्थिति अन्त्य गर्न पनि आफूहरु लाग्ने उनी बताउँछन् ।
आगामी दुई वर्षमा अन्तर्राष्ट्रिय बजार सुनिश्चित गर्न सकेमा विदेशी मुद्रा सञ्चितीमा ठूलो टेवा पुग्नसक्ने भन्दै उनले भारतसहित, बंगलादेश र एसिया क्षेत्रका देशहरुमा नेपालको जलविद्युत् निर्यात गर्ने सम्भावना उजागर गर्ने बताएका छन् । पछिल्लो छलफल भारतसँग १० हजार मेगावाट निर्यातबारे छलफल बहस भइरहेको र यसले गेमचेन्जर उद्योगकोरुपमा जलविद्युत आउनसक्ने भन्दै समन्वय गरेर अगाडि लैजान आफूले आवश्यक नेतृत्व गर्ने ब्लोन बताउँछन् ।
जसले आजको दिनमा विद्युत व्यापार ऐन र विधेयक आउनेबित्तिकै करिब चार वर्ष अगाडिदेखि लाइसेन्स माग गरेर बसेको कम्पनीमार्फत विद्युत व्यापारमा लाग्ने उनको भनाइ छ । जतिसुकै उत्पादन भएपनि नेपाली जलविद्युत् न्यूनत्तम चार रुपैयाँभन्दा माथि अन्तर्राष्ट्रिय बजारमा पुर्याउन बजार सुनिश्चित गराउन पहल गर्ने उनको उद्घोष छ । दश वर्षमा देशभित्र खपत गरेर वार्षिक चारदेखि पाँच खर्बसम्मको बिजुली बेच्नसक्ने अवस्थामा देशलाई पुर्याउनेगरी आफूहरु लाग्ने ब्लोन बताउँछन् ।
वि.सं.२०८० जेठ ३० मंगलवार ११:४१ मा प्रकाशित
