काठमाडौं । भोलिबाट देशभर बालुवा, ढुंगा, रोडा र गिटीको उत्पादन र बिक्री रोकिने भएको छ ।
नेपाल क्रसर तथा खानी उद्योग व्यवसायी महासंघले सरकारले क्रसर उद्योग नवीकरण नगरेको भनेर बन्द गर्ने घोषणा गरेको हो । यसभन्दा अघि नै महासंघले सरकारले व्यवसायीको माग सम्बोधन नगरे असार १६ गतेबाट बन्द गर्ने बताएको थियो ।
नेपाल क्रसर तथा खानी उद्योग व्यवसायी महासंघका अध्यक्ष सिताराम न्यौपानेले सरकारले क्रसर व्यवसायीहरुको माग सम्बोधान गरेकाले भोलिबाट उत्पादन र बिक्री वितरण बन्द गर्ने घोषण गरेको बताए ।
‘हामीले सरकारसँग धेरै पटक क्रसर नविकरणको कुरा उठायौं । तर, हाम्रो माग सम्बोधन नभएकाले नै भोलिबाट क्रसरबाट उत्पादन हुने निर्माण सामाग्रीको उत्पादन र विक्री बन्द गरेका छौं । कानुनी मापदण्ड पुरा गरेर व्यवसायीहरुले क्रसर सञ्चालको लागि लाइसेन्स लिएका छन् । ती उद्योगहरु नै नविकरण गर्नु पर्यो भनेर बन्दको घोषणा गरेको हो, न्यौपानेले भने’ ।
वि.सं.२०८० असार १५ शुक्रवार १८:१० मा प्रकाशित
