काठमाडौ । साताको पहिलो कारोबार दिन सेयर बजारमा पहिरो गएको छ । आइतबार सेयर बजारमा दोहोरो अंकले गिरावट छ । उक्त दिन बजार ५३.७० अंकले घटेर २०९७ को विन्दुमा कायम हुन पुगेको हो ।
उक्त दिन ५ अर्ब ८ करोड १९ लाख ७६ हजार रुपैंया कारोबार भएको छ । आज नेप्सेमा कारोबार भएको २८६ कम्पनीको १ करोड १३ लाख २३ हजार १८३ कित्ता सेयर किनबेच भएको छ । आज नेप्सेमा रहेको सबै उपसूचकमा राताम्मै भएको छ ।
सेयर बजारमा गिरावट आउँदा श्रीजनशील लघुवित्तको सेयर मूल्य सर्वाधिक घटेको छ । कम्पनीको सेयर मूल्य ९.३२ प्रतिशतले घटेको छ । त्यसैगरी, माउन्टेन इनर्जी लिमिटेडको ९.१२ प्रतिशत, ग्रामिण विकास लघुवित्तको ९.०१ प्रतिशत, साधना लघुवित्तको ७.५८ प्रतिशतले सेयर मूल्य घटेको छ ।
वि.सं.२०८० असार १७ आइतवार १५:१९ मा प्रकाशित
