काठमाडौं । हिमालयन लाइफ इन्स्योरेन्सले व्यतित बीमालेखमा लाग्ने विलम्ब शुल्क छुट दिने भएको छ । कम्पनीका बीमितले व्यतित बीमालेख नवीकरण गर्दा लाग्ने विलम्ब शुल्क (ब्याज) मा शत प्रतिशतसम्म छुट पाउने भएका हुन् ।
जीवन बीमालेखसम्बन्धी निर्देशिका, २०७८ को दफा ११ बमोजिम यस कम्पनीबाट जारी भएका बीमालेखको नवीकरण बीमाशुल्क भुक्तानी गर्नुपर्नेमा सो भुक्तानी नभई व्यतित भएका बीमालेखहरुमा विलम्ब शुल्कमा कम्पनीले छुट दिने भएको हो ।
हिमालयन लाइफ इन्स्योरेन्स (साविकको प्राइम, युनियन र गुराँस लाइफ) बाट विभिन्न मितिमा बीमा गराई व्यतित भएका बीमालेखहरुमा असार १९ गते देखि २७ गतेसम्ममा पुनर्जागरण गर्दा विलम्ब शुल्कमा शत प्रतिशतसम्म छुट प्रदान गर्ने जनाएको छ ।
हिमालयन लाइफले १ वर्ष देखि ५ वर्षसम्म व्यतित भएका बीमालेखहरुमा शत प्रतिशत र ५ वर्षदेखि माथि जतिसुकै अवधिका लागि ४० प्रतिशत छुट प्रदान गर्ने जनाएको छ ।
वि.सं.२०८० असार १९ मंगलवार ११:५३ मा प्रकाशित
