काठमाडौं । जनउत्थान सामुदायिक लघुवित्त वित्तीय संस्था लिमिटेडले बोनस शेयर सम्बन्धित शेयरधनीको खातामा जम्मा गरेको छ । लघुवित्तको चैत २६ गते सम्पन्न भएको बाह्रौं वार्षिक साधारण सभाले पारित गरेको १५ प्रतिशत सम्बन्धित शेयरधनिको खातामा पठाएको हो।
बोनस दिने प्रस्ताव पारित भए बमोजिम शेयरधनीहरुलाई वितरण –प्रदान गर्ने सन्दर्भमा उक्त बाह्रौं वार्षिक साधारण सभा प्रयोजनार्थ शेयरधनी दर्ता पुस्तिका बन्द हुँदाका बखत अभौतिक रुपमा शेयर धारण गरेका शेयरधनीहरुको बोनस शेयर असार १७ गते देखि शेयरधनीहरुको हितग्राही खातामा जम्मा गरि सकिएको कम्पनीले जानकारी दिएको छ ।
साथै भौतिक रुपमा शेयर धारण गरेका शेयरधनीहरुले संस्थाको शेयर अभौतिकिकरण भए पश्चात स्वतः शेयरधनीहरुको खातामा जम्मा गरिने व्यहोरा जानकारी गराएको । भौतिक रुपमा शेयर धारण गरेका शेयरधनीहरुलाई आफ्नो शेयर अभौतिकीकरण गराउनुहुन सूचना मार्फत अनुरोध गरेको छ ।
वि.सं.२०८० असार २० बुधवार १०:२५ मा प्रकाशित
