पोखरा । कास्कीको पोखरा महानगरपालिकाले सहकारी संस्थाबाट लिएको कर्जा नियमित गर्न अनुरोध गरेको छ ।
महानगरले एक सूचना जारी गर्दै सहकारी संस्थाहरुबाट ऋण लिइ निर्धारित समय भित्रै सोको साँवा व्याज चुक्ता गर्न पटक पटक ताकेता गर्दा समेत ऋण चुक्ता नगरेका कारण सहकारी संस्थाहरुमा सदस्यको बचत फिर्ता गर्न समस्या परेकाले समयमा कर्जाको किस्ता तिर्न अनुरोध गरेको हो ।
महानगरले निर्देशन विपरित कार्य गरेमा पोखरा महानगरपालिका सहकारी ऐन, २०७५ को दफा ६० वमोजिम जायजेथावाट असुलीका लागि प्रकृया अगाडि बढाउनुका साथै पोखरा महानगरपालिकाले प्रदान गरिने सेवा सुविधा रोक्का गरिने व्यहोरा समेत जानकारी गराएको छ ।
वि.सं.२०८० असार २५ सोमवार १७:०९ मा प्रकाशित