काठमाडौ । साताको चौथो कारोबार दिन सेयर बजारमा दोहोरो अंकले बढोत्तरी आएको छ । उक्त दिन बजार २५.३१ अंकले बढेर २०९७ को विन्दुमा कायम हुन पुगेको हो ।
उक्त दिन ३ अर्ब १८ करोड ७६ लाख ९५ हजार रुपैंया कारोबार भएको छ । आज नेप्सेमा कारोबार भएको २८९ कम्पनीको ८५ लाख ४ हजार ३७८ कित्ता सेयर किनबेच भएको छ । आज नेप्सेमा रहेको ११ वटा उपसूचकमा हरियाली छाएको छ ।
सेयर बजारमा सुधार आउँदा रावा इनर्जी डेभलपमेन्टको सेयर मूल्यमा नकरात्मक सर्किट लागेको छ । कम्पनीको सेयर मूल्य १० प्रतिशतले घटेको छ । त्यसैगरी, नेपाल फाइनान्सको ५.२६ प्रतिशत, सम्वृद्धि फाइनान्सको ३.७२ प्रतिशत, गुह्रेश्वरी मर्चेन्टको ३.१६ प्रतिशत, सेन्ट्रल फाइनान्सको २.८९ प्रतिशतले सेयर मूल्य घटेको छ ।
वि.सं.२०८० असार २७ बुधवार १५:२२ मा प्रकाशित