काठमाडौं । प्रभु बैंकले संस्थापक सेयर बिक्रीमा ल्याएको छ ।
बैंकले संस्थापक समूहको ५ लाख ७९ हजार ८३८ कित्ता सेयर बिक्रीमा ल्याएको हो। जसमा ४ लाख ११ हजार ४३९ कित्ता संस्थापक सेयरमा विद्यमान संस्थापक सेयरधनीसहित अन्य व्यक्ति तथा संस्थाले पनि खरिद आवेदन दिन सक्छन् भने बाँकी १ लाख ६८ हजार ३९९ कित्तामा संस्थापक सेयरधनीहरुले मात्रै आवेदन दिन पाउनेछन्।
अन्य व्यक्ति तथा संस्थाका लागिसमेत बिक्रीमा राखिएको सेयरमा १५ दिनभित्र र संस्थापक सेयरधनीहरुका लागिमात्र बिक्रीमा राखिएको सेयरमा ३५ दिनभित्र बबरमहलस्थित बैंकको केन्द्रीय कार्यालयमा खरिद आवेदन दिन सकिनेछ।
संस्थापक सेयरधनीहरुका लागिमात्र बिक्रीमार राखिएको सेयरमा संस्थापकबाट आवेदन नपरेको खण्डमा अन्य व्यक्ति तथा संस्थाका लागि बिक्री खुला गरिने बैंकले जनाएको छ।
वि.सं.२०८० असार २९ शुक्रवार ११:०५ मा प्रकाशित
