काठमाडौ । साताको पहिलो कारोबार दिन सेयर बजारमा दोहोरो अंकले बढोत्तरी आएको छ । उक्त दिन बजार १२.१६ अंकले बढेर २०९७ को विन्दुमा कायम हुन पुगेको हो ।
उक्त दिन २ अर्ब ३७ करोड ६४ लाख २७ हजार रुपैंया कारोबार भएको छ । आज नेप्सेमा कारोबार भएको २८६ कम्पनीको ७१ लाख ८४ हजार २५४ कित्ता सेयर किनबेच भएको छ । आज नेप्सेमा रहेको आठ वटा उपसूचकमा हरियाली भएको छ ।
आज सेयर बजारमा सुधार आउँदा सबैभन्दा बढी शिभम् सिमेन्ट्सको कारोबार भएको छ । आज कम्पनीको १९ करोड १३ लाख ११ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको हिमालयन लाइफ इन्स्योरेन्सको १५ करोड ६९ लाख ४५ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन माउन्टेन इनर्जी नेपालको ९ करोड ८४ लाख ९१ हजार रुपैयाँ, हिमालयन एभरेष्ट इन्स्योरेन्सको ७ करोड ६२ लाख ७४ हजार रुपैयाँ र एशियन लाइफ इन्स्योरेन्सको ७ करोड ५९ लाख ९८ हजार रुपैयाँको कारोबार भएको हो ।
वि.सं.२०८० असार ३१ आइतवार १५:०८ मा प्रकाशित
