काठमाडौं । चालु आर्थिक वर्षको जेठसम्ममा वाणिज्य बैंकहरुले ६७ अर्ब बढी नाफा कमाएका छन्। नेपाल राष्ट्र बैंकले प्रकाशित गरेको मासिक विवरण अनुसार २१ वाणिज्य बैंकले ६७ अर्ब २३ करोड रुपैयाँ नाफा आर्जन गरेका हुन् ।
सबैभन्दा धेरै मुनाफा आर्जन गर्ने बैंक नबिल बैंक बनेको छ। नबिल बैंकले ७ अर्ब ११ करोड खुद मुनाफा आर्जन गर्न सफल भएको छ।दोस्रोमा ग्लोबल आइएमई बैंक रहेको छ। बैंकले ६ अर्ब ५० करोड रुपैयाँ मुनाफा आर्जन गर्न सफल भएको छ।
तेस्रोमा नेपाल इन्भेष्टमेन्ट मेगा बैंक रहेको छ। जेठसम्ममा नेपाल इन्भेष्टमेन्ट मेगा बैंकले ४ अर्ब ७६ करोड रुपैयाँ नाफा कमाएको छ भने एनआइसी एशिया बैंकले ४ अर्ब ६३ करोड र राष्ट्रिय वाणिज्य बैंकले ४ अर्ब ४७ करोड नाफा कमाएको छ।
यस्तै, एनएमबि बैंकले ३ अर्ब ३२ करोड नाफा कमाएको छ। हिमालयन बैंकले ३ अर्ब २९ करोड, प्राइम कमर्शियल बैंकले ३ अर्ब २१ करोड र स्ट्यान्डर्ड चाटर्ड बैंकले ३ अर्ब ११ करोड नाफा कमाएको छ।
त्यसैगरी, नेपाल बैंकले ३ अर्ब ७ करोड, एभरेष्ट बैंकले ३ अर्ब ६ करोड, कुमारी बैंकले २ अर्ब ९५ करोड, प्रभु बैंकले २ अर्ब ८९ करोड, सानिमा बैंकले २ अर्ब २५ करोड, सिद्धार्थ बैंकले २ अर्ब २२ करोड र नेपाल एसविआई बैंकले २ अर्ब ९ करोड नाफा कमाएका छन्।
यी बाहेक ५ बैंकले भने २ अर्बभन्दा कम नाफा कमाएका छन्। कृषि विकास बैंकले सबैभन्दा कम १ अर्ब ५६ करोड रुपैयाँ नाफा कमाएको छ भने सनराइज बैंकले १ अर्ब ५९ करोड, सिटिजन्स बैंकले १ अर्ब ६८ करोड, माछापुच्छ्रे बैंकले १ अर्ब ६८ करोड र लक्ष्मी बैंकले १ अर्ब ६८ करोड रुपैयाँ नाफा कमाएका छन्।
वि.सं.२०८० साउन ३ बुधवार १३:२८ मा प्रकाशित
