काठमाडौं । नेपाल स्टक एक्सचेञ्ज (नेप्से)ले प्रभु इन्स्योरेन्सको शेयर कारोबार फुकुवा गरेको छ ।
इन्स्योरेन्सले हकप्रद सेयर निष्कासनसम्बन्धी निर्णय ढिलो गरी जानकारी गराएको भन्दै प्रभु इन्स्योरेन्सको सेयर कारोबार रोक्का गरेको गरेको थियो। नेप्सेले चित्तबुझ्दो स्पष्टीकरण ३ कार्यदिनभित्र पेस गर्न पनि निर्देशन दिएको छ।
प्रभु इन्स्योरेन्सले हकप्रद सेयर निष्कासनको प्रस्ताव गरी सैद्धान्तिक स्वीकृतिका लागि नेपाल बीमा प्राधिकरण पेस गरेको र त्यहाँबाट सैद्धान्तिक स्वीकृत प्राप्त हुने वा नहुने अझै अन्यौल नै रहेको व्यहोरासहितको पत्र नेप्सेमा पठाएको थियो।
पत्रमा धितोपत्र सूचीकरण विनियमावली, २०७५ र धितोपत्र सूचीकरणसम्बन्धी सम्झौता सर्तहरुको अक्षरशः पालना गर्ने प्रतिबद्धता पनि गरिएको थियो।
प्रतिबद्धतासहितको पत्र प्राप्त भएकोले आज साउन ८गतेदेखि शेयर कारोबार फुकुवा गरिदिएको जानकारी दिएको छ ।
वि.सं.२०८० साउन ८ सोमवार ११:५३ मा प्रकाशित