काठमाडौं । लघुवित्त वित्तीय संस्थाहरुले गैरकानुनी ढंगले ऋणीको सम्पत्ति लिलामी गरेको भएमा नेपाल राष्ट्र बैंकमा उजुरी गर्न सकिने भएको छ।
हालै राष्ट्र बैंकमा लघुवित्त वित्तीय संस्थाका ऋणीहरुको गुनासो सुनुवाइका लागि अलग्गै गुनासो सुनुवाइ डेस्क स्थापना गरेको छ। यदि कुनै लघुवित्तले गैरकानुनीबाट ऋणीको सम्पत्ति लिलामी गरेको भएमा अब सोही गुनासो सुनुवाइ डेस्कमा ऋणीहरुले आफ्ना उजुरी वा गुनासो दर्ता गर्न सक्नेछन्।
आज एक सूचना जारी गर्दै लघुवित्त वित्तिय संस्थाले नेपाल राष्ट्र बैंकले जारी गरेको निर्देशनको पालना नगरेको वा तोकेभन्दा बढी ब्याजदर वा अन्य शुल्क लिएको, गैरकानुनी रुपमा सम्पत्ति लिलामी गरेको ,उद्यम व्यवसाय गर्न असहयोग गरेका वा अन्य कुनै गुनासो भएमा राष्ट्र बैंकमा गुनासो दर्ता गर्न आग्रह गरेको छ ।
आफ्ना गुनासा बेलैमा दर्ता गरी सोको यथोचित समाधान गर्नेतर्फ पहल गर्न सम्बन्धित सबै ऋणीलाई राष्ट्र बैंकले आग्रह गरेको छ।
राष्ट्र बैंकले पैसा तिर्नु नपर्ने नम्बर १८१०५००००२२ मार्फत गुनासो दर्ता गर्न र राष्ट्र बैैंकको इमेल वा कार्यालय समयमा निवेदन दर्ता थरी सोको यथोचित समाधान गर्नेतर्फ पहल गर्न सम्बन्धित सबै ऋणीहरुलाई आग्रह गरेको छ।
वि.सं.२०८० साउन ११ बिहीवार १०:०९ मा प्रकाशित