काठमाडौं । रिलायबल नेपाल लाइफ इन्स्योरेन्सले आईपीओ बाँडफाँड गरेको छ । बिक्री प्रबन्धक सिभिल क्यापिटलका अनुसार कम्पनीले वैदेशिक रोजगारीमा रहेका नेपालीलाई निष्काशन गरेको आइपीओ आज बाँडफाँड गरेको हो ।
क्यापिटलका अनुसार आईपिओमा कुल २७ हजार १ सय ४८ जनाको आवेदन परेको थियो । जस मध्ये २७ हजार १ सय ४४ जनाको मात्र आवेदन भेरिफई भएको क्यापिटलले जनाएको छ । आवेदन दिएका सबैले शेयर पाएका छन् ।
बाँडफाँड मोडल अनुसार ५० कित्तासम्मको लागि आवेदन दिने १० हजार ९ सय ९९ जनले माग गरे बमोजिम कै शेयर पाएका छन् । ६० कित्ता देखि ५४ सय कितातसम्मको लागि आवेदन दिने १६ हजार १ सय ४५ जनाले पनि ५० कित्ता कै दरले शेयर पाएका छन् । त्यस्तै ६० देखि ५४ सय कित्तासम्मको लागि आवेदन दिने मध्ये बाट गोलाप्रथा गरेर ८ हजार ४ सय २९ जनाले थप १० कित्ताको दरले शेयर पाएका छन् । यस अनुसार लगानीकर्ताले अधिकतम ६० कित्ता शेयर पाएका छन् ।
आइपीओमो नतिजा हेर्नको लागि :
विक्री प्रबन्धक सिभिल क्यापिटलको वेबसाइट : https://www.civilcapitalmarket.com/ सिडीएससीको मेरोशेयरको वेबसाइट : http://meroshare.cdsc.com.np/#/login
सिडीएसको वेबसाइटबाट :https://iporesult.cdsc.com.np/
वि.सं.२०८० साउन १४ आइतवार २१:३४ मा प्रकाशित
