काठमाडौं । बरुण हाइड्रोपावर कम्पनी लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार कम्पनीले विद्युत बिक्री मार्फत ७ करोड ९७ लाख रुपैयाँ आर्जन गरेको छ। यो अघिल्लो आर्थिक वर्षको सोही अवधिको तुलनामा १५.१९ प्रतिशत कम हो। अघिल्लो आर्थिक वर्षको सोही अवधिसम्ममा कम्पनीले विद्युत बिक्री गरी ९ करोड ३९ लाख रुपैयाँ कमाएको थियो।
गत आर्थिक वर्षको अन्त्यसम्ममा कम्पनीले १ करोड १२ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा ३४१.६४ प्रतिशत बढी हो। अघिल्लो आर्थिक वर्ष कम्पनीले २५ लाख रुपैयाँ खुद नाफा कमाएको थियो।
समीक्षा अवधिमा कम्पनीको गैर सञ्चालन आम्दानी २९७.३८ प्रतिशत बढेर १ करोड ८० लाख रुपैयाँ पुगेको छ।
समीक्षा अवधिमा कम्पनीको प्रतिशेयर आम्दानी १ रुपैयाँ १४ पैसा बढेर २ रुपैयाँ ९ पैसा पुगेको छ। सो अवधिसम्ममा कम्पनीको प्रतिशेयर नेटवर्थ ११२ रुपैयाँ ६ पैसा रहेको छ भने मूल्य आम्दानी अनुपात ११९.१२ गुणा रहेको छ। कम्पनीको चुक्ता पूँजी ५३ करोड ५८ लाख रुपैयाँ रहेको छ।
वि.सं.२०८० साउन २६ शुक्रवार ११:५३ मा प्रकाशित