काठमाडौं । आइएमई लाइफ इन्स्योरेन्सले गत आर्थिक वर्षको चौथो त्रैमासिक वित्तिय विवरण सार्वजनिक गरेको छ ।
प्रकाशित विवरण अनुसार गत वर्ष कम्पनीले २४ करोड ८ लाख खुद नाफा आर्जन गरेको छ भने अघिल्लो आर्थिक वर्षको सोही अवदीमा १२ करोड ८६ लाख नाफा आर्जन गरेको थियो । अघिल्लो वर्षको तुलनामा नाफा ८७.१७ प्रतिशतले बृद्धि भएको छ ।
यस अवधिमा कम्पनीले १ अर्ब ६ करोड खुद दावी भुक्तानी गरेको छ । त्यसैगरी अभिकर्ता कमिशन बापत ४६ करोड ४२ लाख र व्यवस्थापन खर्च बापत ५२ करोड ३९ लाख खर्च गरेको छ ।
यस अवधिमा कम्पनीले ४ अर्ब १ करोड खुद वीमाशुल्क आर्जन गरेको छ भने अघिल्लो आर्थिक बर्षको सोही अवधिमा ३ अर्ब ४४ करोड खुद बीमाशुल्क आर्जन गरेको थियो । कम्पनीले लगानी, कर्जा तथा अन्य आय बढेर ६४ करोड २२ लाख र बीमालेख धितो कर्जाबाट ५ करोड ३८ लाख आर्जन गरेको छ ।
हाल कम्पनीको चुक्तापुँजी ४ अर्ब रहेको छ भने जगेडा कोषमा २ अर्ब ७१ करोड रहेको छ । केही समय अघि मात्र कम्पनीले प्रिमियममा आइपिओ जारी गरेको थियो जसको कारण जगेडाकोष २४९ प्रतिशतले बढेको छ । कम्पनीको प्रतिसेयर आम्दानी ६.०२ रुपैयाँ रहेको छ भने नेटवर्थ १७१.०५ रुपैयाँ रहेको छ ।
वि.सं.२०८० साउन ३० मंगलवार ११:०२ मा प्रकाशित
