काठमाडौं ।साताको अन्तिम कारोबार दिन सेयर बजारमा सामान्य बढोत्तरी आएको छ । उक्त दिन बजार ८.०१ अंकले बढेर २०३३ को विन्दुमा कायम हुन पुगेको हो ।
बिहीबार सेयर बजारमा १ अर्ब ५४ करोड १३ लाख ६७ हजार रुपैंया कारोबार भएको छ ।आज नेप्सेमा कारोबार भएको २७१ कम्पनीको ४० लाख ९ हजार २६३ कित्ता सेयर किनबेच भएको छ । आज नेप्सेमा रहेको १२ वटा उपसूचकमा हरियाली छाएको छ ।
सेयर बजारमा सुधार आउँदा लक्ष्मी इक्विटी फण्डले सर्वाधिक गुमाएको छ । कम्पनीको सेयर मूल्य ७.४३ प्रतिशतले घटेको हो । त्यसैगरी, मेन्छियाम हाइड्रोपावरको ४.४१ प्रतिशत, राप्थी हाइड्रोको ४.२१ प्रतिशत, सुपरमाई हाइड्रोपावरको ३.९० प्रतिशत, बलेफी हाइड्रोपावरको ३.७१ प्रतिशतले सेयर मूल्य घटेको छ ।
वि.सं.२०८० साउन ३२ बिहीवार १५:१९ मा प्रकाशित
