काठमाडौं । सिद्धार्थ म्युचुअल फन्ड अन्तर्गत सञ्चालित दुई वटा योजनाले लाभांश घोषणा गरेको छ ।
सिद्धार्थ क्यापिटलको साउन ३२ गते बसेको बैठकको निर्णयले सिद्धार्थ इन्भेस्टमेन्ट ग्रोथ स्किम–२ र सिद्धार्थ इक्विटी फन्डका इकाइधनीहरुका लागि आर्थिक वर्ष २०७९/८०को लाभांश वितरण गर्ने भएको हो ।
क्यापिटलले सिद्धार्थ इक्विटी फन्डका इकाइधनीहरुलाई करसहित ५ प्रतिशतले हुन आउने ७ करोड ५० लाख रुपैयाँबराबरको नगद लाभांश वितरण गर्ने निर्णय गरेको छ ।
यसका साथै क्यापिटलले सिद्धार्थ इन्भेस्टमेन्ट ग्रोथ स्किम–२का इकाइधनीहरुलाई करसहित ६.५ प्रतिशतले हुन आउने ७ करोड ८० लाख रुपैयाँ वितरण गर्ने भएको छ ।
वि.सं.२०८० भदौ १ शुक्रवार १०:४३ मा प्रकाशित
