काठमाडौं । नेकपा (एमाले) पर्यटन प्रवद्र्धन तथा नागरिक उड्डयन विभागको चौथो बैठक सम्पन्न भएको छ । काठमाडौंको होटल ट्रेडिसन कम्फर्टमा २०८० असार २३ गते शनिवार विभागका प्रमुख कमरेड भीमप्रसाद आचार्यको अध्यक्षतामा बैठक सम्पन्न भएको हो ।
बैठकमा नेकपा (एमाले) उपाध्यक्ष तथा विभागका संयोजक सुरेन्द्र पाण्डेको प्रमुख आतिथ्यता र केन्द्रीय सदस्य तथा विभागका पुर्व उपप्रमुख भीमबहादुर केसीको उपस्थिति रहेको थियो । बैठकले सदस्यहरुलाई दिईएका कार्यहरुको सन्दर्भमा समिक्षा गर्दै आगामी दिनमा हरेक पर्यटनका विधामा भएका पर्यटन व्यावसायमा देखिएका चुनौतिहरुको विषयमा अध्ययन गर्ने साथै पर्यटनको माध्यमवाट समाजमा गर्नसकिने परिवर्तनका सन्दर्भमा ठोस अध्ययन र अनुसन्धान गर्नलाई सम्पूर्ण सदस्यहरुलाई जानकारी गरेको छ ।
परम्परागतढंगबाट सञ्चालन भएका पर्यटन व्यवसायलाई आधुनिक तौर तरीकालाई अपनाउन आवश्यक छ । नेपालमा स्थापित अनुपम प्राकृतिक गन्तव्यस्थानहरु बाहेक हाम्रो सस्कृति, परम्परा तथा सम्पदाहरुको उचित संरक्षण तथा प्रवद्र्धन गरिनु आवश्यक छ । कृषि क्षेत्रमा नेपालमा पाईने विभिन्न जातका वोट विरुवाहरुलाई संरक्षण गर्ने र नेपालीहरुले स्थानीयस्तरमा उत्पादन गर्ने रैथाने खानाको प्रवद्र्धन गर्नसकेमा पर्यटनको प्रवद्र्धन गर्न महत्वपूर्ण स्थान लिन सकिन्छ । खेल पर्यटनको विकास गरी विश्वका खेलाडीहरुलाई नेपालमा भित्र्यायर सिजनल खेलकुद प्रतियोगिता गरी पर्यटन प्रवद्र्धन गर्न सकिने अवधारणाको विकास गरिएको छ । त्यसैगरी नेपालमा रहेको ५,३०० भन्दा बढी ताल–तलैयाहरुको संरक्षणगर्नु पर्ने गरी राष्ट्रियस्तरमा गठन गरीएको तालविकास समितिको खारेज गर्ने सरकारको निर्णयले ताल पर्यटनमा असर पर्ने निष्कर्ष बैठकले गरेको छ ।
नागरिक उड्डयन प्राधिकरणको नियमन निकाय र सञ्चालन गर्ने निकायलाई व्यवस्थापन गर्नेगरी वनाईएका विद्येयकहरुलाई समयमानै पारित गरी लागु गर्नुपर्नेमा हालसम्म संसदमा विचाराधिन अवस्थामा रहेकोले विश्व हवाई उड्डयनकोक्षेत्रमा विश्वसनियताको मापदण्डमा कमि भएको छ । लुम्विनी र पोखरा अन्तर्राष्ट्रिय विमानस्थलको निर्माण र उद्घाटन भएतापनि हालसम्म विमानस्थलको सुचारु नभएको अवस्थाले व्यापकरुपमा लगानी गरी निर्माण भएका तारे होटलहरुको सञ्चालनमा अप्ठेरो भईरहेको र लगानीकर्तालाई बैंक तथा वित्तीय संस्थाहरुले गरेको ताकेताले व्यवसायीहरुको मानसिकतामा गंभिर असर पुगेको हुँदा व्यवसायीहरुको लगानीलाई संरक्षण गर्नेगरी नीति बनाउनलाई यो बैठकले माग गरेको छ ।
कोभिड १९ को असर र प्रभावले थलापरेको पर्यटन व्यवसायलाई अध्ययन र अनुसन्धान विना हवाई टिकटमा लगाईएका मुल्य अभिवृद्धि कर तथा होटलहरुमा लगाईने लक्जरी करले पर्यटन प्रवद्र्धनमा राज्य सकारात्मक नभएको भन्ने व्यवसायीहरुको निश्कर्षमा यो बैठकले ऐक्यवद्धता जाहेर गरेको छ ।
वि.सं.२०८० भदौ १ शुक्रवार १८:४० मा प्रकाशित
