काठमाडौं । साताको पहिलो कारोबार दिन सेयर बजारमा दोहोरो अंकको गिरावट आएको छ । उक्त दिन बजार २१.९९ अंकले घटेर २०११ को विन्दुमा कायम हुन पुगेको हो ।
आइतबार सेयर बजारमा १ अर्ब ४४ करोड ७४ लाख ८ हजार रुपैंया कारोबार भएको छ ।आज नेप्सेमा कारोबार भएको २६९ कम्पनीको ४४ लाख ५९ हजार ४५९ कित्ता सेयर किनबेच भएको छ । आज नेप्सेमा रहेको १३ वटै उपसूचकमा राताम्मै भएको छ ।
सेयर बजारमा गिरावट आउँदा एग्रीकल्चर बैंक डिबेञ्चरको सेयरमा नकरात्मक सर्किट लाएको छ । कम्पनीको सेयर मूल्य १० प्रतिशतले घटेको हो । त्यसैगरी, अपर स्याङ्गे हाइड्रोपावरको ९.०२ प्रतिशत, सिद्धार्थ इन्भेष्टमेन्ट ग्रोथको ८.४५ प्रतिशत, ग्लोबल आइएमई लघुवित्तको ७.३१ प्रतिशत, लिब्रेटी इनर्जीको ६.७९ प्रतिशतले सेयर मूल्य घटेको छ ।
वि.सं.२०८० भदौ ३ आइतवार १५:२१ मा प्रकाशित