काठमाडौं । मनकामना इन्जिनियरिङ्ग हाइड्रोपावरको आइपीओ बाँडफाँड भएको छ ।आईपीओ बाँडफाँड बिओके क्यापिटल मार्केट लिमिटेडको नारायणचौर नक्सालमा भएको हो ।
यसमा अन्तिम दिनसम्ममा ११ लाख ६८ हजार ४५६ आवेदकबाट १ करोड ३० लाख ८९ हजार ३५० कित्ता शेयरको लागि आवेदन परेको हो । जसमा १३ लाख ११ हजार ५१७ आवेदकबाट परेको १ करोड ४२ लाख २४ हजार ७२० कित्ता सेयर सदर भएको थियो भने ५ हजार १२ आवेदकबाट परेको ८२ हजार ७० कित्ता बदर भएको थियो।
मागभन्दा बढी आवेदन परेका कारण यो आईपीओ गोलाप्रथाबाट बाँडफाँड गरेको हो । जसमा भाग्यमानी २ लाख २७ हजार ६६२ आवेदकले १० कित्ताका दरले सेयर पाएका छन् भने बाँकी १० लाख ८३ हजार ८५५ आवेदकको हात खाली भएको छ।
कम्पनीले गत साउन २८ गतेदेखि साउन ३१ गतेसम्म सर्वसाधारणका लागि आईपीओ बिक्री खुला गरेको थियो। कम्पनीले सर्वसाधारणका लागि १०० अंकित दरका कुल २२ लाख ७६ हजार ६२० कित्ता सेयर सर्वसाधारणका लागि बिक्री खुला गरेको थियो ।
वि.सं.२०८० भदौ ३ आइतवार १७:४९ मा प्रकाशित
