काठमाडौं । रिडी पावर कम्पनीले ५० प्रतिशत हकप्रद सेयर बिक्री गर्न नेपाल धितोपत्र बोर्डसँग अनुमति मागेको छ ।
रिडी पावरले चुक्तापुँजीको १ः०.५ अनुपातमा अर्थात ५० प्रतिशत हकप्रद ल्याउन सेबोनसँग अनुमति मागेको हो। यसअघि विद्युत नियमन आयोगले रिडी पावरलाई हकप्रद ल्याउन अन्तिम स्वीकृति प्रदान गरेको थियो।
सेबोनले अनुमति दिएमा कम्पनीले हाल कायम चुक्तापुँजी १ करोड ५४ लाख ८९ हजार १२ कित्ता सेयरको ५० प्रतिशतले हुन आउने १०० रुपैयाँ अंकित दरका कुल ७७ लाख ४४ हजार ५०६ कित्ता हकप्रद सेयर निष्कासन गर्नेछ। गत असार ८ गते बसेको कम्पनीको विशेष साधारणसभाले हकप्रदको अजेन्डा पारित गरिसकेको छ। रिडी पावरको हकप्रद बिक्री प्रबन्धकमा मुक्तिनाथ क्यापिटल रहेको छ।
वि.सं.२०८० भदौ ७ बिहीवार १४:२७ मा प्रकाशित