काठमाडौं । लक्ष्मी सनराइज बैंकको सेयर नेपाल स्टक एक्सचेन्ज (नेप्से)मा सूचिकृत भएको छ।
मर्जरपछि लक्ष्मी सनराइज बैंकको नामबाट नाममा कुल २१ करोड ६७ लाख २ हजार ३७९ कित्ता सेयर सूचीकृत भएको छ।
नेप्सेले मर्जरपछिको पहिलो कारोबार लक्ष्मी सनराइज बैंकलाई प्रतिकित्ता १७३.०५ रुपैयाँ ओपनिङ रेन्ज तोकेको छ। भोलि सोमबार यही मूल्यबाट यो बैंकको सेयर कारोबारमा आउनेछ।
नेप्सेले मर्जरपछि बनेको लक्ष्मी सनराइज बैंकलाई ‘एलएसएल’ कारोबार संकेत प्रदान गरेको छ।साबिक लक्ष्मी र सनराइज बैंक १ः१ अनुपातमा मर्ज भएका हुन्। यी दुवै बैंकले गत असार २९ गतेबाट एकीकृत कारोबार सुरु गरेका थिए।
नेप्सेले असार २९ गतेबाट मर्जर प्रयोजनका लागि यी दुवै बैंकको सेयर कारोबार रोक्का गरेको थियो।
वि.सं.२०८० भदौ १० आइतवार १७:४८ मा प्रकाशित
