काठमाडौं । कुथेली बुखरी स्मल हाइड्रोपावरको कारोबारमा आएको दिनदेखि कम्पनीको सेयर मूल्यमा निरन्तर सर्किट लाग्दै आएको छ ।
मंगलबार पनि कम्पनीको सेयर मूल्यमा सकरात्मक सर्किट १० प्रतिशत अर्थात् ८४.८० रुपैयाँ बढेर प्रतिकित्ता ९३३.१० रुपैयाँ पुगेको हो । यसअघि सोमबार कम्पनीको सेयर प्रतकित्ता ८४८.३० रुपैयाँमा अन्तिम कारोबार भएको थियो ।
यो समाचार तयार पार्दासम्म कम्पनीको १५ हजार ३५८ कित्ता सेयर ९४५ पटक खरिद बिक्री हुँदा १ करोड ४० लाख ४२ हजार रुपैयाँ बराबरको कारोबार भएको छ ।
कुथेली बुखरी भदौ ३ गते नेप्सेमा सूचीकृत भएको थियो भने भदौ ४ गतेदेखि कारोबारमा आएको हो । कम्पनीको पहिलो कारोबार प्रतिकित्ता ४७९ रुपैयाँमा भएको थियो ।
भदौ १२ गते मंगलबारसम्ममा उक्त कम्पनीको सेयर ७ दिन कारोबार भएको छ । ७ दिनको अवधिमा पहिलो कारोबारको आधारमा कम्पनीको सेयर मूल्य ९४.८० प्रतिशत बढेको छ । यस आधारमा कम्पनीको १० कित्ता सेयरमा १ हजार लगानी गर्ने लगानीकर्ताले ७ दिनमै बढेर ९ हजार ३३१ रुपैयाँ कमाएका छन् ।
वि.सं.२०८० भदौ १२ मंगलवार १४:१५ मा प्रकाशित
