काठमाडौं । साताको चौथो कारोबार दिन सेयर बजारमा सामान्य अंकले गिरावट आएको छ । उक्त दिन बजार २.८२ अंकले घटेर १९९० को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी माछापुच्छ्रे बैंकको कारोबार भएको छ । आज कम्पनीको ९ करोड ९८ लाख १८ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको आइएमई लाइफ इन्स्योरेन्सको ३ करोड ३५ लाख ५० हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन लक्ष्मी सनराइज बैंकको ३ करोड २ लाख ७९ हजार रुपैयाँ, नबील बैंकको ३ करोड ५ लाख २ हजार रुपैयाँ र नेपाल दुरसंचार कम्पनीको २ करोड ८० लाख ८४ हजार रुपैयाँको कारोबार भएको हो ।
वि.सं.२०८० भदौ १३ बुधवार १५:०४ मा प्रकाशित