काठमाडौं । अपर तामाकोशी हाइड्रोपावर कम्पनीले भोली भदौ १८ गतेदेखि हकप्रद सेयर खुला गर्ने भएको छ ।
कम्पनी सञ्चालक समितिको निर्णयबमोजिम हकप्रद सेयर निष्कासनका लागि यही साउन २६ गते एक दिनका लागि बुक क्लोज गरेको छ। यसर्थ साउन २५ गतेसम्म कायम सेयरधनीहरुमात्रै यो कम्पनीको हकप्रद भर्न पाउनेछन्।
गत असार २२ गते अपर तामाकोशीलाई नेपाल धितोपत्र बोर्डले चुक्तापुँजीको १ः१ को अनुपातमा अर्थात १०० प्रतिशत हकप्रद निष्कासनको स्वीकृति दिएको थियो।
हाल अपर तामाकोशीको चुक्तापुँजी १० अर्ब ५९ करोड रुपैयाँ रहेको छ। अब यो कम्पनीले १०० अंकित दरका कुल १० करोड ५९ लाख कित्ता हकप्रद निष्कासन गर्नेछ। हकप्रद सेयर बिक्रीपछि कम्पनीको चुक्तापुँजी २१ अर्ब १८ करोड रुपैयाँ पुग्नेछ।
अपर तामाकोशीको हकप्रदको निष्कासन तथा बिक्री प्रबन्धकमा नागरिक लगानी कोष र सनराइज क्यापिटल छन्।
वि.सं.२०८० भदौ १७ आइतवार ११:३६ मा प्रकाशित
