काठमाडौं । भेस्पा र अप्रिलियाको नयाँ शोरुम टेकुमा खुलेको छ । नेपालका लागि आधिकारिक बिक्रेता डेल्टा अटोकर्प प्रालिले भदौ १८ गते सोमबार आफ्नो नयाँ शोरुम खुला गरेको हो ।
यस डेल्टा अटोकर्प प्रालिका अघ्यक्ष पुल्कित भिमसरिया साथै, निर्देशक विवेक सिकारीया, निर्देशक केतन भिमसरिया र प्रालिका निर्देशक तथा प्रमुख कार्यकारी अधिकृत विजयकुमार महतोले उद्घाटन गरेका हुन् ।
यसैगरी डेल्टा अटोकर्पका निर्देशक तथा सीइओ महतोले आफ्नो ग्राहकहरुलाई सरल गराउन विभिन्न ठाउँहरुमा आफ्नो शोरुम र सर्भिस सञ्चालनमा ल्याउने जानकारी गराएका छन्। कम्पनीले नयाँ मोडल पनि बजारमा सार्वजनिक गर्ने तयारी गरेको छ ।
भदौ २६ बाट हुने नाडा अटो सोमा अप्रिला एस आर १६० बीएस, स्कुटर सार्वजनिक गर्ने तयारी भइरहेको महतोले जानकारी दिए । डेल्टा अटोकर्पले युवालाई प्राथमिकतामा राख्दै व्यवस्थापन समूह तयार गरेको जनाएको छ ।
योङ, इनर्जेटिक र टु विलर्समा काम गरेको अनुभवि टिम हामीसँग छ, उनले भने ।आफ्नो सेवाहरु नेपालको विभिन्न ठाउँहरुमा सञ्चालन गरिरहेको डेल्टा अटोकर्पको भनाई छ । यसका साथै, डेल्टाले आफ्नो नयाँ सोरुमहरु काठमाडौं उपत्यकाको विभिन्न ठाउँहरुमा र उपत्यका बाहिर ५० भन्दा बढी ठाउँमा सेवा सुविधाहरु प्रदान गराउदै आइरहेको छ।
वि.सं.२०८० भदौ १९ मंगलवार १२:०० मा प्रकाशित
