काठमाडौं । प्राइम कमर्सियल बैंकका ग्राहकहरुको खाता नम्बर परिवर्तन हुने भएको छ।
अब ग्राहकको खाता भदौ २३ गते (शनिबार)देखि १० अंकरअक्षरबाट परिवर्तन भई २० अंकको कायम हुने बैंकले सूचना मार्फत जानकारी दिएको छ।
बैंकका अनुसार नयाँ खाताको कारोबारहरु ग्राहकसँग हाल भइसकेको चेक तथा एटीएम कार्डबाट नै गर्न सकिनेछ। ‘मोबाइल बैंकिङ, इन्टरनेट बैंकिङ, कनेक्टआईपीएसलगायतका सेवाहरुमा प्रयोग भएका साबिकको खाता नम्बरहरु प्रतिस्थापन गरी बैंकबाट नै नयाँ खाता नम्बर अद्यावधिक गरिनेछ’, बैंकद्वारा आज जारी सूचनामा उल्लेख छ।
अन्य सबै निकायहरु जस्तैः स्टक ब्रोकर तथा डिम्याट अकाउन्टमा ग्राहक आफैँले नयाँ २० अंकको खाता नम्बर अद्यावधिक गराउन पनि बैंकले आग्रह गरेको छ।
वि.सं.२०८० भदौ २१ बिहीवार १०:२२ मा प्रकाशित
