काठमाडौं । नेपाल स्टक एक्सचेन्ज (नेप्से)मा विद्यार्थीहरुलाई अवलोकन भ्रमण गराउने भएको छ ।नेप्सेले आज एक सूचना जारी गर्दै यस्तो जानकारी दिएको हो।
नेपाल स्टक एक्सचेन्ज लिमिटेड (नेप्से) ले दोस्रो बजार कारोबार सम्बन्धमा विद्यार्थीहरुलाई जानकारी दिने उद्देश्यले नेप्सेसंग अन्तक्रिर्या तथा अवलोकन भ्रमण गराउदै आएको छ ।
यो वर्ष पनि असोज १७ गते ‘वर्ल्ड इन्भेस्ट विक–२०२३’अन्तर्गत यस किसिमको पहिलो कार्यक्रम गर्न लागिएको नेप्सेले जनाएको छ। त्यसका लागि इच्छुक कलेजले स्नातक तह व्यवस्थापन संकायमा अध्ययनरत विद्यार्थीहरुलाई समावेश गर्ने गरी नेप्सेमा निवेदन दिन सूचनामा आग्रह गरिएको छ।
यसका लागि असोज १२ गतेभित्र सम्पर्क व्यक्तिको नाम र सम्पर्क नम्बरसहित नेप्सेको [email protected] मा निवेदन दिन नेप्सेले सूचना जारी गरेको छ।
वि.सं.२०८० असोज ४ बिहीवार १६:३८ मा प्रकाशित