काठमाडौं । सामाजिक सुरक्षा कोषको कार्यकारी निर्देशकमा कविराज अधिकारी नियुक्त भएका छन्।
छनौट समितिबाट सिफारिस भएका तीनजनामध्येबाट अनुभव, व्यावसायिक कार्ययोजना र नेतृत्व गर्ने क्षमतासमेतलाई आधार मानी सञ्चालक समितिले अधिकारीलाई कार्यकारी निर्देशक नियुक्त गरेको हो। अधिकारीलाई सोमबारदेखि लागू हुने गरी ४ वर्षको लागि कार्यकारी निर्देशक पदमा नियुक्त गरेको हो।
यसअघि उनी राष्ट्रिय वाणिज्य बैंकको उपप्रमुख कार्यकारी अधिकृत थिए। साथै, उनी व्यावसायिक चार्टर्ड अकाउन्टेन्ट पनि हुन्।
यसअघि कोषको तत्कालीन कार्यकारी निर्देशक कपिलमणि ज्ञवालीको कार्यकाल गत साउन १४ मा समाप्त भएको थियो ।
वि.सं.२०८० असोज ९ मंगलवार ११:२२ मा प्रकाशित