काठमाडौं । नेपाल स्टक एक्स्चेन्ज(नेप्से) ले वार्षिक नवीकरण शुल्क बुझाउने बारे सूचना जारी गरेको छ । नेप्सेमा सूचिकृत कम्पनहिरुले धितोपत्र सूचिकरण विनियमावली, २०७५ को अनुसूचि ३ (क)मा भएको व्यवस्था बमोजिम आव ०८०/०८१ को धितोपत्र वार्षिक नवीकरण शुल्क बुझाउने समय असोज मसान्तसम्म रहेकाले वार्षिक नवीकरण शुल्क बुझाउन बाँकी कम्पनीहरुले शुल्क बुझाउन अनुरोध गरेको छ ।
साथै, तोकिएको समयमा नवीकरण शुल्क नबुझाएमा नवीकरण शुल्कको वार्षिक १० प्रतिशतका दरले जरिवाना लाग्ने र धितोपत्र विनियमावली, २०७५ को विनियम १६ अनुसार सूचिकरण स्थगित गर्ने पनि बताएको छ ।
नेप्सेमा सूचीकृत कम्पनीहरुमध्ये ५० करोड रुपैयाँसम्मको चुक्तापुँजी भएकाले वार्षिक ५० हजार नवीकरण शुल्क तिर्नुपर्छ । ५० लाख रुपैयाँभन्दा माथि चुक्तापुँजी भएका कम्पनीले भने वार्षिक १ लाख रुपैयाँ नवीकरण शुल्क बुझाउनुपर्ने प्रावधान रहेको छ।
यसैगरी डिबेन्चर र म्युचुअल फन्डहरुले आकारको हिसाबले ५० करोड रुपैयाँसम्मकाले वार्षिक २५ हजार रुपैयाँ र ५० करोड रुपैयाँ माथिकाले वार्षिक ५० हजार रुपैयाँ नवीकरण शुल्क बुझाउनुपर्ने हुन्छ।
वि.सं.२०८० असोज ९ मंगलवार १४:४९ मा प्रकाशित