काठमाडौं । सोनापुर मिनरल्स् एण्ड आयल लिमिटेडको आईपीओ बाँडफाँड मिति तय भएको छ । धितोपत्र निश्कासन तथा बिक्री प्रबन्धक एनआइएमबि एस क्यापिटलको अनुसार आज अर्थात आज विहान आईपीओको प्रि-अलोटमेन्ट सम्पन्न भएको हो । आईपीओ बाँडफाँड असोज २४ गते बुधबार हुने भएको छ ।
सोनापुर मिनरल्स एन्ड आयल लिमिटेडको आइपीओमा ३ अर्ब ५० करोड ७८ लाख ९७ हजार २१० रुपैयाँ बराबरको आवेदन परेको छ ।
सीडीएसका अनुसार असोज १८ गते अन्तिम दिनसम्ममा ११ लाख १३ हजार ८५५ जना आवेदकले १ करोड ४७ लाख ६५ हजार १२० कित्ताका लागि आवेदन दिएका छन् । जुन माग भन्दा १.५१ गुणा बढी आवेदन हो ।
माग भन्दा बढी आवेदन परेको हुँदा यो आइपीओ पनि गोलाप्रथाबाट बाँडफाँड हुनेछ । यस अनुसार ९ लाख ७३ हजार २५४ जनाले १०र१० कित्ताका दरले सेयर हात पार्नेछन् । सोहि मध्यका ४ जनाले भने थप १र१ कित्ता गरि ११ कित्ता सेयर हात पार्नेछन् । जसअनुसार यसमा १ लाख ४१ हजार ४४२ जनाको हात रित्तो हुने भएको छ ।
कम्पनीले असोज १४ गतेदेखि १०० अंकित मूल्यमा १३७ रुपैयाँ ५८ पैसा प्रिमियम थप गरी प्रतिकित्ता २३७ रुपैयाँ ५८ पैसाका दरले ९७ लाख ३२ हजार ५४४ कित्ता सेयर सर्वसाधरणका लागि बिक्रीमा ल्याएको हो । आईपीओ बिक्री प्रबन्धक एनआईएमबी एस क्यापिटल रहेको छ।
वि.सं.२०८० असोज २१ आइतवार १२:२४ मा प्रकाशित
