काठमाडौं। घलेम्दी हाइड्रो लिमिटेडले हकप्रद सेयर निष्कासनका लागि बुक क्लोजको मिति तय गरेको छ।
कम्पनी सञ्चालक समितिको असोज २१ गते आइतबार बसेको बैठकले हकप्रद सेयर निष्कासनका लागि आगामी कात्तिक ३ गते बुक क्लोज गर्ने निर्णय गरेको हो। यसर्थ कात्तिक २ गतेसम्म कायम सेयरधनीहरुमात्रै कम्पनीको हकप्रद सेयरमा आवेदन दिन पाउनेछन् ।
नेपाल धितोपत्र बोर्डले हालै घलेम्दी हाइड्रोलाई हकप्रद सेयर निष्कासन गर्न अनुमति दिएको थियो। अब यो कम्पनीले १ः२ अनुपातमा अर्थात् चुक्तापुँजीको २०० प्रतिशत हकप्रद सेयर निष्कासन गर्नेछ। कम्पनीले १०० रुपैयाँ अंकित दरका कुल १ करोड १० लाख कित्ता हकप्रद सेयर आफ्ना सेयरधनीहरुलाई बिक्री गर्नेछ। कम्पनीको हकप्रद बिक्री प्रबन्धकमा मुक्तिनाथ क्यापिटल रहेको छ।
वि.सं.२०८० असोज २२ सोमवार १०:३३ मा प्रकाशित