काठमाडौं । मारुती सिमेन्ट्स लिमिटेडले प्रिमियम मूल्यमा आईपीओ निष्काशन गर्ने भएको छ।यसका लागि कम्पनिले विशेष प्रस्ताव पारित गर्न आफ्नो २९ औँ वार्षिक साधारणसभा बोलाएको छ।
सभा विराटनगरस्थित कम्पनीको रजिस्टर्ड कार्यालयमा बिहान ११ः३० बजेबाट सुरु हुनेछ। सभाले कम्पनीमा हाल कायम ३० लाख थान अग्राधिकार सेयरलाई साधारण सेयरमा परिणत गर्ने विशेष प्रस्ताव पारित गर्नेछ।
सञ्चालक समितिले प्रस्ताव गरेको बोनस सेयर वितरण गर्ने र त्यसपछि हकप्रद निष्कासन गर्ने विशेष प्रस्ताव राखिने छ , सोही सभाले यो प्रस्ताब पनि पारीत गर्नेछ । अग्राधिकार सेयरधनीलाई १० प्रतिशत नगद लाभांश वितरण गर्ने प्रस्ताव सभाले पारीत गर्नेछ।
वि.सं.२०८० असोज २९ सोमवार १०:३२ मा प्रकाशित
