काठमाडौं । अमेरिकी डलरको भाउ हालसम्मकै उच्च विन्दुमा पुगेको छ । नेपाल राष्ट्र बैंकका अनुसार आज असोज ३० गते मंगलबार डलरको भाउ (बिक्रीदर) १३३ रुपैयाँ ५५ पैसा कायम भएको छ । जुन अहिलेसम्मकै उच्च हो । यस्तै, खरिददर पनि १३२ रुपैयाँ ९५ पैसा कायम भएको छ ।
यसअघि असोज २ गते डलरको भाउ (बिक्रीदर) १३३ रुपैयाँ ५४ पैसा पुगेर रेकर्ड बनाएको थियो । पछिल्लो समय डलरको तुलनामा भारतीय रुपैयाँ (भारु) पनि निरन्तर कमजोर बन्दै गएको छ ।
वि.सं.२०८० असोज ३० मंगलवार ११:२७ मा प्रकाशित