काठमाडौं । बैंकहरुले असोज २९ गतेदेखि दसैंका लागि नयाँ नोट सटही सुविधा दिइरहेका छन् । नेपाल राष्ट्र बैंकले केन्द्रीय कार्यालय बालुवाटार आफ्ना प्रादेशिक कार्यालयहरुमार्फत बैंक तथा वित्तीय संस्था, सर्वसाधारण र संस्थागत रुपमा नयाँ नोट सटही कात्तिक ३ गतेसम्मका लागि खुला गरिसकेको छ ।
वाणिज्य बैंकहरुले सीमित शाखाहरुबाट मात्रै सर्वसाधारणलाई नयाँ नोट सटही सुबिधा दिंदै आएका छन् । वाणिज्य बैंकहरूले निश्चित शाखा कार्यालयहरू तोकेका छन् । एक पटकमा एक व्यक्तिले १८ हजार ५०० रुपैयाँसम्म नयाँ नोट साट्न सक्नेछन् । ५, १०, २०, ५० र १०० रुपैयाँका नोट सटहीको व्यवस्था मिलाइएको राष्ट्र बैंकले जानकारी दिएको छ ।
कुमारी बैंक
बैंकले उपत्यकाका पुतली सडक, गोङ्गबु, महाराजगञ्ज, कुमारीपाटी, चावहिल, पेप्सिकोला, बागबजार, टेकु, नयाँ बानेश्वर र सूर्यविनायक शाखाबाट नयाँ नोट साट्न पाइने जनाएको छ । बैंकले नयाँ नोटमा ५, १०, २०, ५० र १०० रुपैयाँ दरका नयाँ नोटका १र१ प्याकेट मात्रै सटही सुविधा दिने उल्लेख गरेको छ ।
ग्लोबल आइएमई बैंक
बैंकको कान्तिपथ, कमलादी, धापासी, पुल्चोक र सूर्यविनायक शाखा कार्यालयबाट नयाँ नोट साट्न पाइन्छ । बैंकले नयाँ नोटमा ५, १०, २०, ५० र १०० रुपैयाँ दरका नयाँ नोटका १—१ प्याकेट मात्रै गरेर प्रतिव्यक्ति १८ हजार ५ सय रुपैयाँ सटही सुविधा दिने उल्लेख गरेको छ ।
सिटिजन्स बैंक
सिटिजन्सले दरबारमार्ग, न्यूरोड, कलंकी, मैतिदेवी, थापाथली, कमलादी, नयाँबानेश्वर, सामाखुशी, धुमबाराही, बौद्ध, किर्तिपुर, कुमारीपाटी, थसिखेल, भैंसेपाटी, ठिमी र सूर्यविनायक शाखाबाट नयाँ नोट सटही सुविधा दिने जनाएको छ । बैंकले ५, १०, २०, ५० र १०० रुपैयाँ दरका नयाँ नोटका १र१ प्याकेट मात्रै सटही सुविधा दिने उल्लेख गरेको छ ।
नबिल बैंक
नबिलले असोज २९ गतेदेखि उपत्यकाका ५ वटा शाखा कार्यालयबाट नयाँ नोट सटही सुविधा दिइरहेको छ । बैंकले लाजिम्पाट, गुसिंगल, मंगलबजार, कलम विनायक र बौद्ध जोरपाटी शाखा कार्यालयबाट नयाँ नोट सटही सुविधा दिएको जनाएको छ ।
माछापुच्छ्रे बैंक
बैंकले उपत्यकाभित्रका ३ वटा शाखा कार्यालयबाट प्रतिव्यक्ति १८ हजार ५ सय रुपैयाँका दरले नयाँ नोट सटही दिएको जनाएको छ । बैंकले लाजिम्पाट, कौशलटार र पुल्चोक शाखाबाट नयाँ नोट सटही सुविधा उपलब्ध गरेको जनाएको छ ।
एनआइसी एसिया बैंक
बैंकले थापाथली, धापासी, भैसेपाटी र बयासी विस्टार शाखाबाट नयाँ नोट साट्न सकिने जनाएको छ । बैंकले ५, १०, २०, ५० र १०० रुपैयाँदरका नयाँ नोट प्रतिव्यक्ति १८ हजार ५ सय रुपैयाँसम्म साट्न सकिने जनाएको छ ।
प्रभु बैंक
प्रभुले नयाँ बानेश्वर, स्वयम्भु, कुमारीपाटी, भैंसेपाटी र ठिमी शाखा कार्यालयबाट नयाँ नोट सटही सुविधा दिइरहेको छ । बैंकले कात्तिक ३ गतेसम्म राष्ट्र बैंकले तोकेको सीमाभित्र रहेर नयाँ नोट सटही सुविधा दिने उल्लेख गरेको छ ।
हिमालयन बैंक
बैंकले ठमेल, सुनधारा र पुल्चोक शाखाबाट नयाँ नोट साट्न सकिने जनाएको छ । बैंकले ५, १०, २०, ५० र १०० रुपैयाँदरका नयाँ नोट प्रतिव्यक्ति १८ हजार ५ सय रुपैयाँसम्म साट्न सकिने जनाएको छ ।
लक्ष्मी सनराइज बैंक
बैंकले उपत्यकाका ९ वटा शाखा कार्यालयबाट नयाँ नोट सटही सुविधा दिइरहेको छ । यस बैंकले पुतली सडक, गौह्रिधारा, हात्तीसार, पुल्चोक, भक्तपुर, न्यूरोड, गौशाला, कालिकास्थान र कालिमाटी शाखाबाट नयाँ नोट साट्न पाइने जनाएको छ । बैंकले नयाँ नोटमा ५, १०, २०, ५० र १०० रुपैयाँ दरका नयाँ नोटका १—१ प्याकेट मात्रै सटही सुविधा दिने उल्लेख गरेको छ ।
सिद्धार्थ बैंक
बैंकले हात्तीसार, बौद्ध, जावलाखेल र भक्तपुरको गठ्ठाघर शाखा कार्यालयबाट नयाँ नोट सटही सुविधा दिइरहेको छ । यो बैंकले बिहान ११ बजेबाट १ बजेसम्म नयाँ नोट सटही सुविधा दिने जानकारी दिएको छ ।
एनएमबि बैंक
बैंकको सितापाइला, कान्तिपथ, सूर्यविनायक, बागदरवार, चावहिल र बसुन्धारा शाखा कार्यालयबाट नयाँ नोट साट्न पाइन्छ । बैंकले नयाँ नोटमा ५, १०, २०, ५० र १०० रुपैयाँ दरका नयाँ नोटका १र१ प्याकेट मात्रै गरेर प्रतिव्यक्ति १८ हजार ५ सय रुपैयाँ सटही सुविधा दिने उल्लेख गरेको छ ।
प्राइम कमर्सियल बैंक
बैंकले कमलपोखरी, सामाखुसी, कालीमाटी, पुल्चोक र सूर्यविनायक शाखा कार्यालयबाट नयाँ नोट सटही सुविधा दिइरहेको छ । यो बैंकले बिहान ११ बजेबाट २ बजेसम्म नयाँ नोट सटही सुविधा दिने जानकारी दिएको छ ।
वि.सं.२०८० असोज ३० मंगलवार १२:०४ मा प्रकाशित
