काठमाडौं । वाणिज्य बैंकहरुले चालु आर्थिक वर्षको दुई महिनामै १६ अर्ब ६४ करोड रुपैयाँ भन्दा बढी खुद नाफा कमाएका छन् । नेपाल राष्ट्र बैंकको तथ्यांक अनुसार भदौ मसान्तसम्ममा २० वटा वाणिज्य बैंकहरुले कुल १६ अर्ब ६४ करोड ८६ लाख ९० हजार रुपैयाँ खुद नाफा कमाएका छन् ।
यो दुई महिनाको अवधिसम्म ५ वटा बैंकले अर्ब माथि नाफा आर्जन गरेका छन् भने बाँकी १५ बैंकको कमाइ अर्बभन्दा तल रहेको छ।
राष्ट्र बैंकको तथ्यांकले यो २ महिनाको अवधिमा ग्लोबल आईएमई बैंकले सबैभन्दा बढी नाफा आर्जन गरेको छ। भदौसम्म ग्लोबल आइएमई बैंकले १ अर्ब ७५ करोड रुपैयाँ बढी नाफा आर्जन गरेको छ।
उच्च नाफा आर्जन गर्ने दोस्रो बैंकमा नबिल रहेको छ। नबिल बैंकले १ अर्ब ५६ करोड ४५ लाख रुपैयाँ नाफा आर्जन गरेको छ।
यो दुई महिनाको अवधिमा सबैभन्दा कम नाफा आर्जन गर्नेमा नेपाल एसबीआई बैंक रहेको छ। यो बैंकले २७ करोड २९ लाख रुपैयाँ नाफा कमाएको छ।
नाफा धेरै कमाउने नेपाल इन्भेस्टमेन्ट मेगा, हिमालयन र कुमारी क्रमशः तेस्रोदेखि पाँचौँ स्थानमा छन्। नेपाल इन्भेस्टमेन्ट मेगाले १ अर्ब ४८ करोड रुपैयाँ, हिमालयनले १ अर्ब २३ करोड रुपैयाँ र कुमारीले १ अर्ब १४ करोड रुपैयाँ नाफा आर्जन गरेका छन्।
त्यसैगरी, राष्ट्रिय वाणिज्य बैंकले ८७ करोड ५ लाख, प्राइम बैंकले ८३ करोड ६५ लाख, लक्ष्मी सनराइज बैंकले ८१ करोड ४० लाख, एनआइसी एशिया बैकले ८० करोड ५ लाख, एनएमबि बैंकले ७६ करोड ७० लाख, एभरेष्ट बैंकले ७१ करोड २५ लाख, नेपाल बैंकले ७० करोड ७१ लाख, प्रभु बैंकले ६६ करोड ४१ लाख रुपैंया नाफा कमाएको छ ।
त्यस्तै, कृषि विकास बैंकले ६१ करोड ५६ लाख, सिद्धार्थ बैंकले ५८ करोड ६५ लाख, सानिमा बैंकले ५१ करोड २० लाख, स्टान्डर्ड चार्टड बैंकले ४८ करोड ४५ लाख, सिटिजन बैंकले ४४ करोड ३१ लाख, माछापुच्छ्रे बैंकले ३७ करोड ६३ लाख रुपैंया नाफा आर्जन गरेका छन् ।
वि.सं.२०८० कात्तिक १ बुधवार ११:०१ मा प्रकाशित