काठमाडौं । कार्तिक महिनाको पहिलो दिन सेयर बजारमा उछाल आएको छ । बुधबार बजार ४३.२७ अंकले बढेर १९०७ को विन्दुमा कायम हुन पुगेको हो ।
आज सेयर बजारमा उछाल आउँदा सबैभन्दा बढी सानिमा जिआइसी इन्स्योरेन्सको कारोबार भएको छ । आज कम्पनीको ४ करोड ४६ लाख ४ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको कुमारी बैंकको प्रमोटर सेयरको ३ करोड १३ लाख ९९ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन आइएमई लाइफ इन्स्योरेन्सको २ करोड ४२ लाख ७७ हजार रुपैयाँ, शिभम् सिमेन्ट्सको २ करोड २७ लाख ३६ हजार रुपैयाँ र हाथवे इन्भेष्टमेन्ट कम्पनीको १ करोड ९२ लाख ६७ हजार रुपैयाँको कारोबार भएको हो ।
वि.सं.२०८० कात्तिक १ बुधवार १५:२५ मा प्रकाशित