काठमाडौं । कामना सेवा विकास बैंक लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरण अनुसार बैंकको नाफामा उछाल आएको छ ।
यसअवधिमा खुद नाफा १८७.५८ प्रतिशतले बढेर ११ करोड ९५ लाख २१ हजार रुपैयाँ पुगेको छ । अघिल्लो वर्षको यसैअवधिमा यस बैंकले ४ करोड १५ लाख ६१ हजार रुपैयाँ मात्रै नाफा कमाएको थियो ।
गत वर्ष यसैअवधिमा २५ करोड ६५ लाख ९१ हजार रुपैयाँ रहेको इम्पेयरमेन्ट चार्ज यो वर्ष ९ करोड ५२ लाख ४१ हजार रुपैयाँमा सीमित भएको छ । योसँगै सञ्चालन नाफा २०३.३३ प्रतिशतले बढेर १८ करोड ९५ हजार रुपैयाँ पुगेको छ ।
अघिल्लो वर्ष यस बैंकले ५ करोड ९३ लाख ७३ हजार रुपैयाँ सञ्चालन आम्दानी गरेको थियो । त्यस्तै, एक वर्षको अवधिमा खुद ब्याज आम्दानी भने ६.०१ प्रतिशतले घटेर ४९ करोड ९ लाख १० हजार रुपैयाँमा सीमित भएको छ ।
असोज मसान्तसम्म आइपुग्दा बैंकको प्रतिसेयर आम्दानी १४ रुपैयाँ ५७ पैसा र प्रतिसेयर नेटवर्थ १४७ रुपैयाँ १८ पैसा रहेको छ ।
वि.सं.२०८० कात्तिक ३ शुक्रवार ०९:४९ मा प्रकाशित
