काठमाडौं । ओरियन्टल होटल्सले आफ्ना शेयरधनीहरुलाई नगद लाभांश वितरण गर्न सुरु गरेको छ । कम्पनीले असोज ११ गतेसम्म डिम्याट खातामा बैंक खाता अद्यावधिक गराएका शेयरधनीलाई कर सहित ५.२७ प्रतिशत नगद लाभांश वितरण गर्न सुरु गरेको हो ।
कम्पनीको असोज २५ गते बसेको साधारण सभाले निर्णय गरेबमोजिम गत आर्थिक वर्ष ०७९/८० को मुनाफाबाट हाल कायम चुक्तापूँजी १ अर्ब १२ करोड ८० लाख ९० हजारको आधारमा नगद लाभांश वितरण गरेको हो ।
कम्पनीले लाभांश खातामा नआएका शेयरधनीहरुलाई डिम्याट खातामा बैंक खाता अद्यावधिक गर्न कम्पनीले आग्रह गरेको छ । साथै, सेयर अभौतिकीकरण (डिम्याट) नगरेका शेयरधनीहरुलाई पनि शेयर डिम्याट गर्न कम्पनीले आग्रह गरेको छ ।
वि.सं.२०८० कात्तिक ३ शुक्रवार १३:३२ मा प्रकाशित
