काठमाडौं । नेपाल राष्ट्र बैंकले विभिन्न ६ वटा वाणिज्य बैंकलाई कारवाही गरेको छ। राष्ट्र बैंकको बैंक सुपरिवेक्षण विभागले नियम मिचेकोमा लक्ष्मी सनराइज, हिमालयन, एनएमबि, एनआईसी एसिया, नबिल र सिटिजन्स बैंकमाथि कारबाही गरेको हो। यी सबै बैंकलाई चालु आर्थिक वर्षमा प्रथमपटक कारबाही गरिएको केन्द्रीय बैंकले जनाएको छ।
जस अनुसार राष्ट्र बैंकले सम्पत्ति सुद्धिकरण सम्बन्धी ऐन र निर्देशनको उल्लघन गरेकोले लक्ष्मी सनराइज बैंकलाई ७० लाख जरिवाना गरेको छ। त्यस्तै २०८० बैशाख महिनामा कर्जा÷निक्षेप अनूपात कायम नगरेकाले हिमालयन बैंकलाई १ करोड ६७ लाख ७१ हजार ४ सय ३४ रुपैयाँ ०९ पैसा नगद जरिवाना गरेको छ ।
एनएमबि, एनआईसी एसिया, नबिल र सिटिजन्स बैंकलाई भने अन्य शीर्षकमा कारबाही गरेको छ। यी बैंकहरुलाई विभिन्न नियम मिचेकोमा राष्ट्र बैंकले सचेत गराएको छ।
Invalid PDF File
वि.सं.२०८० कात्तिक ३ शुक्रवार १९:३५ मा प्रकाशित