नयाँ दिल्ली । भारतमा प्याजको भाउ किलोकै ८० रुपैयाँ पुगेको छ । आपूर्ति अभावबिच हालैका दिनमा प्याजको भाउ बढेको हो ।
राजधानी नयाँ दिल्लीको खुद्रा बजारमा एक किलो प्याज ६५ रुपैयाँदेखि ८० रुपैयाँबिच किनबेच भइरहेको छ । खुद्रा बजारमा भाउ बढ्न थालेपछि शुक्रबार केन्द्र सरकारले सहुलियत दरका पसलहरू खोलेर प्रतिकिलो २५ रुपैयाँमा प्याज बेचिरहेको छ ।
नयाँ प्याज बजारमा आउन ढिलाइ हुँदा भाउ बढेको बताइएको छ । नयाँ प्याज बजारमा आउने समय भइसके पनि आइसकेको छैन ।
भारतले निर्यात शुल्क तोकेसँगै यसको प्रत्यक्ष असर नेपाली बजारमा पर्ने देखिन्छ। नेपाली बजारमा ९० प्रतिशत भारतीय प्याज खपत हुन्छ। चाडपर्वका बेला भारतले निर्यात शुल्क तोकेपछि नेपाली बजारमा प्याजको मूल्य बढ्ने जानकारहरु बताउँछन्।
वि.सं.२०८० कात्तिक १२ आइतवार १३:०६ मा प्रकाशित
