काठमाडौं । साताको तेस्रो कारोबार दिन सेयर बजारमा बढोत्तरी आएको छ । उक्त दिन बजार ११.२२ अंकले बढेर १८५८ को विन्दुमा कायम हुन पुगेको हो ।
आज सेयर बजारमा बढोत्तरी आउँदा सबैभन्दा बढी हिमालयन बैंकको प्रमोटर सेयरको कारोबार भएको छ । आज कम्पनीको ९ करोड १६ लाख ४४ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको माछापुच्छ्रे बैंकको ६ करोड ३८ लाख ८० हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सोनमपुर मिनरल्सको ५ करोड ९२ लाख ८३ हजार रुपैयाँ, सानिमा जिआईसी इन्स्योरेन्सको ५ करोड ४९ लाख ५५ हजार रुपैयाँ र सोल्टी होटलको ३ करोड ७४ लाख ३८ हजार रुपैयाँको कारोबार भएको हो ।
वि.सं.२०८० कात्तिक २१ मंगलवार १५:०५ मा प्रकाशित
