काठमाडौं । माण्डु हाइड्रोपावर लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार हाइड्रोपावरले चालु आर्थिक वर्षको पहिलो त्रैमाससम्म १२ करोड ७२ लाख रुपैयाँ नाफा कमाएको छ । यो गत वर्षको यसै अवधिको भन्दा १३.३२ प्रतिशतले धेरै हो ।
गत वर्ष कम्पनीले ११ करोड २२ लाख ८८ हजार रुपैयाँ नाफा आर्जन गरेको थियो । विद्युत बिक्रीबाट हुने आम्दानी बढ्दा यसको नाफामा वृद्धि देखिएको हो । समिक्षा अवधिसम्ममा कम्पनीले २५ करोड १० लाख ७६ हजार रुपैयाँ बराबरको विद्युत बिक्री गरेको छ । गत वर्ष २४ करोड ४० लाख रुपैयाँ थियो ।
कम्पनीको वित्तीय खर्च पनि ७ करोड ४१ लाखबाट घटेर ६ करोड ४३ लाख रुपैयाँ कायम भएको छ । हाल यस कम्पनीको चुक्ता पुँजी १ अर्ब ३६ करोड ३६ लाख ३७ हजार रुपैयाँ रहेको छ । यसको सेयर प्रिमियममा १७ करोड १४ हजार रुपैयाँ छ । त्यस्तै, रिटेन अर्निङमा ४६ करोड ४७ लाख रुपैयाँ जम्मा छ ।
यस अवधिसम्म आइपुग्दा कम्पनीको प्रतिसेयर आम्दानी ९ रुपैयाँ ३३ पैसा देखिएको छ । यसको प्रतिसेयर नेटवर्थ १४६ रुपैयाँ ५५ पैसा छ। यसले गत भदौ १० गतेदेखि प्रिमियम थप गरी २०६ रुपैयाँका दरले आइपीओ बिक्री गरेको थियो
वि.सं.२०८० कात्तिक २२ बुधवार ११:१५ मा प्रकाशित