काठमाडौं । तिहार अघिको अन्तिम तथा साताको अन्तिम कारोबार दिन सेयर बजारमा गिरावट छ । उक्त दिन बजार ११.८५ अंकले घटेर १८५२ को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी सोनापुर मिनरल्सको कारोबार भएको छ । आज कम्पनीको ७ करोड ६७ लाख १३ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सोल्टी होटलको ३ करोड ८१ लाख २६ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन हाथवे इन्भेष्टमेन्ट कम्पनीको ३ करोड ६३ लाख ७० हजार रुपैयाँ, सानिमा जिआइसी इन्स्योरेन्सको १ करोड ९२ लाख २४ हजार रुपैयाँ र साल्ट ट्रेडिङ कर्पोरेशनको १ करोड ८२ लाख ८२ हजार रुपैयाँको कारोबार भएको हो ।
वि.सं.२०८० कात्तिक २३ बिहीवार १५:०५ मा प्रकाशित
