काठमाडौं । तिहार अघिको अन्तिम तथा साताको अन्तिम कारोबार दिन सेयर बजारमा गिरावट आएको छ । उक्त दिन बजार ११.८५ अंकले घटेर १८५२ को विन्दुमा कायम हुन पुगेको हो ।
आज नेप्सेमा कारोबार भएको २८२ कम्पनीको २८ लाख ३३ हजार ७३१ कित्ता सेयर किनबेच हुँदा ८३ करोड ६० लाख ५ हजारको कारोबार भएको छ । बजारमा गिरावट आएसँगै १३ वटै उपसूचकमा राताम्मै भएको छ ।
सेयर बजारमा गिरावट आउँदा माउन्टेन इनर्जीको सेयर मूल्य सर्वाधिक घटेको छ । कम्पनीको सेयर मूल्य ६.५८ प्रतिशतले घटेको छ । त्यसैगरी नेपाल एसबिआई बैंकको ६.४३ प्रतिशत, मायाखोला हाइड्रोपावरको, ६.३७ प्रतिशत, बुद्धभुमी नेपाल हाइड्रोपावरको ५.४० प्रतिशत, मेन्छियाम हाइड्रोपावरको ५.२८ प्रतिशतले सेयर मूल्य घटेको छ ।
वि.सं.२०८० कात्तिक २३ बिहीवार १५:१९ मा प्रकाशित
