काठमाडौं । हिमालयन एभरेष्ट इन्स्योरेन्सले चालु आर्थिक वर्षको पहिलो त्रैमासको वित्तीय विवराण सार्वजनिक गरेको छ । सार्वजनिक विवरण अनुसार पहिलो त्रैमासमा कम्पनीले ५ करोड ३४ लाख ९० हजार रुपैयाँ खुद नाफा कमाएको छ । यो नाफा गत आर्थिक वर्षको यसै अवधिमा भन्दा १७.८९ प्रतिशतले बढी हो ।
समिक्षा अवधिमा कम्पनीको खुद बिमा शुल्क आम्दानी १३.४७ प्रतिशतले घटेर १९ करोड २५ लाख रुपैयाँमा आएको छ । कम्पनीको कमिसन आम्दानी १७.१८ प्रतिशत र लगानी तथा कर्जाबाट आम्दानी १५.४८ प्रतिशतले बढेपछि खुद नाफामा सुधार भएको देखिन्छ ।
समिक्षा अवधिमा इन्स्योरेन्सको चुक्ता पुँजी २ अर्ब ३० करोड १५ लाख ३५ हजार रुपैयाँ रहेको छ । बिमा कोषको आकार ४ अर्ब ४३ करोड रुपैयाँ पुगेको छ । रिटेन्ड अर्निङ शीर्षकमा १ अर्ब ६२ अर्ब २० करोड रुपैयाँ रहेको छ भने अन्य इक्विटी ३२ करोड ९१ लाख रुपैयाँ रहेको छ ।
असोज मसान्तसम्म आइपुग्दा यसको प्रतिसेयर आम्दानी ९.३० रुपैयाँ (वार्षिक) र प्रतिसेयर नेटवर्थ १८७.२५ रुपैयाँ रहेको छ । प्रतिसेयर आम्दानी गत वर्षको भन्दा १.४१ रुपैयाँ धेरै हो ।
वि.सं.२०८० कात्तिक २४ शुक्रवार १२:२६ मा प्रकाशित