काठमाडौं । स्टान्डर्ड चार्टर्ड बैंकले वार्षिक साधारण सभा बोलाएको छ । सभा आर्मी अफिसर्स क्लब भद्रकाली काठमाडौंमा मंसिर २४ गते दिउँसो १ बजे बोलाएको हो ।
सभाले सेयरधनीलाई गत आर्थिक वर्षको नाफाबाट करसहित प्रस्ताव गरेको १९ प्रतिशत नगद लाभांश वितरण गर्ने प्रस्ताव पारित गर्नेछ । साथै, गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाहमा पनि छलफल गर्ने प्रस्ताव रहेको छ ।
प्रवन्धपत्र तथा नियमावली संशोधन गर्ने प्रस्ताव रहेको छ । बैंकले साधारण सभा प्रयोजनका लागि मंसिर ७ गते बुक क्लोज गर्ने भएको छ । यसर्थ, मंसिर ६ गतेसम्म कायम रहने सेयरधनीले बैंकले प्रस्ताव गरेको लाभांश प्राप्त गर्न र सभामा भाग लिन सक्नेछन् ।
वि.सं.२०८० मंसिर ३ आइतवार ०७:१६ मा प्रकाशित
