काठमाडौं । अर्थतन्त्र सुधारका उपाय खोज्न प्रधानमन्त्री पुष्पकमल दाहाल प्रचण्डले बैठक बोलाएका छन् ।
उनले अर्थतन्त्रको अहिलेको अवस्था र चाल्नुपर्ने कदमका विषयमा छलफल गर्न अन्तरनिकाय बैठक बोलाएका हुन्। आज दिउँसो ४ बजे प्रधानमन्त्री प्रचण्डले अर्थ मन्त्रालय, राष्ट्रिय योजना आयोग, राष्ट्र बैंकलगायतसँग छलफल गर्ने भएका हुन् ।
आजको बैठक अर्थतन्त्रको वर्तमान अवस्था, निजी क्षेत्रका सुझाव र सुधारका लागि सरकारले गर्नुपर्ने निर्णयका विषयमा केन्द्रित हुने प्रधानमन्त्रीको सचिवालयले बताएको छ ।
प्रधानमन्त्रीले अर्थतन्त्रमा गति ल्याउने विषयमा गम्भीर छलफल हुनुका साथै बैठकले ठोस प्याकेज घोषणा गर्ने र अर्थतन्त्रमा सुधार ल्याउने घोषणा गरेका थिए ।
वि.सं.२०८० मंसिर ४ सोमवार ११:५२ मा प्रकाशित